सहवारसदाराच्या अप्रत्यक्ष कब्जा
वाचा : हिंदू वारसा कायदा १९५६ ; महाराष्ट्र जमीन महसूल अधिनियम १९६६, कलम १४९ व १५०.
समज : एकत्र कुटुंबातील एखादा सदस्य नोकरी/शिक्षणानिमीत्त गावाबाहेर राहत असल्यामुळे
त्याचा मिळकतीवर प्रत्यक्ष कब्जा नाही म्हणून त्याला मिळकतीत हिस्सा मिळण्याचा हक्क प्राप्त होणार नाही.
कायदा: मा. सर्वोच्च न्यायालयाने दिलेल्या स्पष्ट निर्देशांन्वये (ए.आय.आर. १९९५, एस.सी., ८९५), एकत्र कुटुंबाच्या मिळकतीमध्ये सर्व सभासदांचा एकत्र हक्क व एकत्र कब्जा असतो. प्रत्येक सहवारसदारास सामाईक कब्जा व मिळकतीचा उपभोग घेण्याचा समान हक्क असतो. केवळ एखाद्या सहवारसदाराचा प्रत्यक्ष कब्जा नाही म्हणून त्याचा हक्क संपुष्टात येत नाही.
एकत्र कुटुंबाच्या मिळकतीमध्ये असणारा कब्जा जरी एकट्याचा असला तरीही असा कब्जा सर्वांचा मिळुन असतो.